|
Et si contigerit ad hominem de Nagara homicidium, aut
furtum, aut aliqua calupnia mala, et potuerit fideiussores dare, non debet
esse missus in presione; et si non potuerit fideiussores dare, non debet
esse missus in carcere, sed tantum in palacio regis.
Et
si dederit fideiussores, et non potuerit judicium complere ipsi
fideiussores nichil aliud debent dare, nisi tantum suum pedem de illo
malefactore, et ipsemet malefactor debet mittere suum pedem in cepo, et
ferire tribus vicibus in clavilla.
Et si fideiussores non potuerunt habere pedem de illo
malefactore, et malefactor fuerit inffancion, nichil aliud dent nisi CCL
solidos sine saionia, et de vi!lano C solidos sine saionia.
Si inffancion rixaverit cum homine de Nagara de las
puertas de las barras ad intus non habet maiorem calupniam ipse inffancion
quam burgensis de Nagara, nec maiorem desondram.
Inffanciones de Nagara, qui sunt hereditarii in Nagara, debent
accipere in exitus, tantum unus inffancion quantum duo burgenses, et
debent isti inffanciones ponere unum militem qui teneat annupdam ubi
homines de Nagara necesse habuerint, cum caballo, cum omnibus armis
ligneis, et ferreis.
Et si furtum factum fuerit in villa de
Nagara et suspectam habuerint, quod ipsum furtum sit in ipsa villa, vadat
cum saione ad palacium regis et saione secum accedente, et apellitum
tribus vicibus dante scrutetur palacium regis, deinde omnes illas casas
quascumque voluerint sine ulla calupnia, et de calupniis que facte fuerint
in Nagara non debent pectare nisi medietas pro fuero sine
saionia.
|
|
Et si aliquis homo de foris de Nagara demandaverit ad
hominem de Nagara aliquam rem, non debet exire ad medianetum, nisi ad
portam de illo ponte.
Homo de Nagara quocumque vadat sub
imperio regis pro qualicumque negociacione, et aliquis comparaverit non
debet ullum portaticum.
Et nullus homo sit ausus homini de
Nagara tollere sua ligna, nisi dando ei tantum quantum unum de suis
vicinis.
Et si aliquis homo fugerit ad Nagara pro homicidio,
aut pro qualicumque re, nisi pro furto, et aliquis suus inimicus
incalciaverit eum pro occidere aut distorpare, intra corsseras de Nagara,
scilicet de arenales ad intus, et de parrale regís ad intus, et de valle
antiquo insursum, et de illa cruce de Sancta Eugenia in intus, propter
desonorem quam facit Deo, et monasterio Sancte Marie, et regibus qui ibi
iacent, pectet ad partem regis mille libras auri.
Et homines de Nagara non debent herbaticum de Sancti
Martini de Zahara ad intus, et de Sancta Pola ad in tus usque in Ebro in
sursum usque ad Anguidanos non debent herbaticum, nec montaticum in
montibus qui sunt in circuitu de Nagara, neque in defessis nisi tantum in
illo soto de Maiarrex.
Et si ganatum de Nagara exierit
pasturare de istos terminos suprascriptos in antea, tantum vadat quod per
noctem possit revertí infra terminos suprascriptos.
Et homines de Nagara debent montagare de Sancta Pola
usque in Ladrero, de Ladrero usque ad ripam regís; de ripa regís usque ad
Mathaon; de Mathaon usque ad Ortigosilla; de Ortigosilla Ebro ad sursum
usque in Ebriones; de Ebriones ad Petram cidaderam; de Petra cidadera ad
vallem comitis in sursum usque in Zaharam. |
